Етички кодекси

Кодекс на однесување на родители

Кодекс на однесување на ученици

Кодекс за однесување на наставниците

1. Професионалност и почитување на етичките стандарди

• Наставниците се обврзуваат да се однесуваат професионално, етички и соодветно во сите ситуации поврзани со нивната работа.
• Постојано треба да покажуваат почит кон учениците, колегите, родителите и сите други вработени во училиштето.
• Забрането е какво било однесување што може да предизвика дискриминација, пристрасност или непочитување на човековите права.

2. Посветеност на наставниот процес

• Работното време на наставникот е 6 саати. Наставникот задолжително да биде во својот кабинет/паралелка најдоцна 10 минути пред почетокот на наставата.
• Наставникот да го почитува работното време.
• Наставниците треба со максимална посветеност да го спроведуваат наставниот процес, обезбедувајќи квалитетно образование и поддршка на учениците.
• Тие треба да користат современи методи и техники на учење кои ги поттикнуваат учениците на критичко размислување, креативност и саморазвој.
• Наставниците се должни да го започнат часот на време.
• Наставниците се должни редовно да ја следат и евидентираат редовноста на учениците во е-дневникот на паралелката
• Часот треба редовно да биде евидентиран, како и отсутните ученици.
• Секој час треба да биде добро испланиран и тоа на тој начин што ќе овозможува максимален ангажман на сите ученици и постигнување на максимумот од зацртаната цел до крајот на часот.

3. Почитување на учениците и индивидуален пристап

• Наставниците треба да покажуваат почит и разбирање кон сите ученици, без разлика на нивните способности, етничка припадност, пол или религија.
• Обврзани се да им пружат поддршка на учениците, земајќи ги предвид нивните индивидуални потреби и темпо на учење.

4. Одговорност за безбедноста на учениците

• Наставниците се должни да ја гарантираат безбедноста на учениците додека се на училишната територија или учествуваат во училишни активности.
• Во случај на инцидент или опасност, наставниците треба веднаш да реагираат и да ги известат соодветните лица.

5. Комуникација со родителите

• Наставниците треба да одржуваат отворена, транспарентна и професионална комуникација со родителите.(без навреди, омаловажување и исмејување)
• Сите информации поврзани со напредокот или однесувањето на учениците треба да бидат пренесени навремено и објективно.

6. Тимска работа и соработка

• Наставниците треба да промовираат тимска работа и соработка меѓу колегите, придонесувајќи за позитивна и поддржувачка работна атмосфера.
• Поделбата на задачи и одговорности треба да се спроведува транспарентно и рамноправно, во духот на меѓусебна помош.

7. Заштита на приватноста

• Наставниците треба да ја почитуваат приватноста на учениците и нивните семејства.
• Сите лични информации за учениците, како што се оценките, педагошките мерки и здравствените податоци, треба да се третираат со дискреција и доверливост.

8. Постојано професионално усовршување

• Наставниците треба континуирано да го развиваат своето знаење и вештини преку учество на обуки, семинари и работилници.
• Тие треба да бидат отворени за нови методи, техники и технологии кои можат да го подобрат квалитетот на наставата.

9. Објективност и праведност при оценувањето

• Наставниците се должни да го оценуваат напредокот на учениците објективно и праведно, врз основа на нивниот труд и постигнувања.
• Непристрасноста во оценувањето е клучен принцип кој мора да се почитува.

10. Пример за однесување

• Наставниците треба да бидат пример за соодветно и одговорно однесување на учениците, како во училиштето, така и во пошироката заедница.
• Тие треба да покажуваат одговорност, емпатија, самоконтрола и професионализам во секоја ситуација.
• Наставниците секогаш да внимаваат на својот јазик, кој треба да биде литературен, јасен, достапен и достоинствен.

Овој кодекс е водич за професионално однесување на наставниците, кој гарантира дека училиштето е место за квалитетно образование и позитивен раст на учениците.

Кодекс за однесување на учениците

  
1. Почитување на наставниците и вработените

• Учениците се должни да покажуваат почит кон своите наставници и другите вработени во училиштето.
• Грубото, непочитливо или агресивно однесување кон наставниците и вработените не е дозволено.

2. Ученикот и наставата
Учениците се должни:

• Учениците задолжително треба да доагаат во училиште 10 минути пред почетокот на наставата.
• Задолжително да присуствуваат на настава, за секое отсуство да приложат писмено или усно оправдување од родителот или старателот;
• Пристојно и трпеливо да чекаат во училница пред започнувањето на часот;
• Секогаш да бидат подготвени за работа (настава);
• Редовно да ги носат потребните материјали за работа (училишен прибор, тетратки и учебници, опрема за физичко и здравствено образование, прибор за цртање и материјали за работа по техничо образование;
• Да придонесуваат за позитивна работна атмосфера со активно ангажирање на часот;
• Да го почитуваат правилото дека користењето на мобилни телефони за времe на часовите не е дозволено, освен ако истите се користат како едукативна алатка со претходна дозвола на наставникот.
• За време на настава мобилните телефони задолжително да се оставаат на одредено место во училницата( пред почетокот на наставата) и да ги земат по завршување на наставниот час.
• Носење на мобилни телефони за учениците од одделенска настава е дозволен исклучиво со согласност на одделенскиот раководител.
• Ученикот не смее самоволно да го напушти часот. Недолично и недисциплинирано однесување на часот се казнува со соодветна педагошка мерка според Правилникот на училиштето.

3. Почитување на соучениците

• Учениците треба да се однесуваат кон своите соученици со почит и разбирање.
• Насилството, малтретирањето и навредливото однесување се строго забранети.
• Строго се забранува вербално или физичко насилство! Игнорирање, упатување навредливи зборови, омаловажување, исмејување, нанесување психичка болка е исто така насилство!
• Соработката и меѓусебното помагање се поттикнуваат во училишната средина.

4. Грижа за училишниот имот

• Учениците треба да се грижат за училишниот имот, да го чуваат чист и цел.
• Оштетување на училишниот инвентар или простории се санкционира со педагошка мерка и надомест за направената штета.

5. Одговорно користење на училишните ресурси

• Учениците можат да користат училишни уреди и опрема (компјутери, спортски реквизити и сл.) соодветно и одговорно.
• Забрането е самоволно користење на училишни ресурси без дозвола од наставник или вработен.

6. Лична хигиена и училишна облека

• Учениците треба да внимаваат на својата лична хигиена и да носат пристојна и соодветна облека за училишната средина (без кратки маици и здолништа, длабоко деколте, искинати фармерки и сл.)
• Забранети се нагласена шминка, несоодветна фризура, непристојна облека или симболи кои можат да предизвикаат негативни реакции.

7. Почитување на распоредот и дисциплината

• Учениците се должни да ги почитуваат распоредот на часовите и да бидат точни на нив.
• Непочитувањето на дисциплинските правила може да резултира со соодветни педагошки мерки.

8. Училишни активности и воннаставни програми

• Учениците треба активно да учествуваат во училишните активности, како и во воннаставните програми, соодветно на нивните интереси и способности.
• Во текот на учеството на настани, учениците се должни да се однесуваат одговорно и да го претставуваат училиштето на најдобар можен начин.

9. Заштита на животната средина

• Учениците се поттикнуваат да се грижат за животната средина во и надвор од училиштето, да не фрлаат отпад и да чуваат чиста средина.

10. Одговорно користење на технологија

• Учениците треба одговорно да ги користат мобилните телефони, компјутери и други уреди во училиштето.
• Забрането е снимање, фотографирање или користење на технологија во несоодветни ситуации без дозвола.

11. Учениците и родителите
Учениците се должни:

• Редовно и искрено да ги информираат родителите за успесите, но и за неуспесите на училиште. Сите одлуки во врска со училиштето да ги донесуваат заеднички со родителите;
• Доколку имаат некаков проблем или доживуваат врсничко насилство веднаш да ги информираат родителите, а потоа и училишните структури (раководител на паралелка, психолог, педагог, директор).

Кодекс за однесување на родителите

1. Почитување на училишната средина

• Родителите се должни да ја почитуваат училишната средина, вработените во училиштето и сите други родители и ученици.
• Секој облик на насилно или агресивно однесување, како вербално така и физичко е строго забранет.

2. Комуникација со вработените

• Родителите треба да одржуваат отворена и конструктивна комуникација со наставниците и другите вработени во училиштето.
• Секое недоразбирање или проблем треба да се решава преку цивилизирана комуникација, со почит и разбирање.
• Родителите се дожни комуникацијата со наставниот кадар да ја реализираат во периодот кога наставниците се на работа.(освен во исклучителни ситуации)
• Секој вид на нарушување на приватноста на наставниот кадар како и пишување пораки и телефонски јавувања во несоодветно време не е дозволено.

3. Влез во училишната зграда

• Влегувањето на родители во училиштето е дозволено само со претходна најава и добиена согласност од страна на вработен во училиштето.
• Родителите не смеат самоволно да влегуваат во училишните простории или да го прекинуваат наставниот процес.

4. Посети и средби

• Сите посети и средби со наставници или друго училишно лице мора да се договараат однапред.
• Родителите се поттикнуваат да ги користат определените термини за средби или да закажат состанок преку училишниот терк за комуникација. (телефонски повик, порака, мејл)

5. Учество во училишни активности

• Родителите треба активно да учествуваат во животот на училиштето преку родителски средби и други организирани активности, при тоа почитувајќи ги училишните правила и процедури.
• Учество на училишни настани треба да биде во духот на поддршка и соработка со училиштето и учениците.

6. Заштита на приватноста на учениците и вработените

• Родителите се обврзуваат да ја почитуваат приватноста на другите ученици и вработените во училиштето.
• Секое снимање или фотографирање во училишните простории е дозволено само со претходна дозвола.

7. Одговорно однесување на социјалните мрежи

• Родителите треба одговорно да користат социјални мрежи кога се однесуваат на училиштето и неговите активности.
• Секое неприкладно коментирање или ширење на информации што можат да го нарушат угледот на училиштето е неприфатливо.

Со овој кодекс на однесување, родителите ќе ја поддржат безбедноста, редот и
професионалноста на училишната средина, и ќе придонесат за позитивен
училишен амбиент во интерес на сите ученици.